Afreksstarf1 mín lestur
Ísland á leið á Norðurlandamótið í hnefaleikum
Þrátt fyrir óvæntar tafir á ferðalagi er íslenska liðið nú komið til Helsinki þar sem það tekur þátt í Norðurlandamótinu um helgina.
Höfundur: HNÍ

Þrátt fyrir óvæntar tafir á ferðalagi er íslenska liðið nú komið til Helsinki þar sem það tekur þátt í Norðurlandamótinu í hnefaleikum um helgina.
Ferðalag liðsins hófst ekki án áskorana, þar sem upprunalegu flugi var frestað fram á laugardag. Með skömmum fyrirvara tókst hins vegar að finna aðrar ferðaleiðir og kom liðið til Helsinki í morgun.
Í dag fer fram vigtun og dráttur, þar sem endanlega skýrist hvenær keppendur stíga fyrst inn í hringinn.
Fyrir Íslands hönd keppa þeir Nóel Freyr og Ronald Bjarki úr Hnefaleikafélagi Reykjavíkur, en með í för er þjálfarinn Davíð Rúnar.
Í dómarateymi Íslands verða þeir Sævar Ingi Rúnarsson og Guðmundur Kári Ágústsson.
Norðurlandamótið er mikilvægt verkefni fyrir íslenska hnefaleika og veitir keppendum dýrmæta reynslu gegn sterkum andstæðingum frá nágrannalöndum.
- Norðurlandamót
- landslið
Tengdar fréttir

Afreksstarf
U19 landsliðið á leiðinni á HM
Landsliðsþjálfaranir Davíð Rúnar Bjarnason og Nikita Stepanov eru á leiðinni með Mihail Fedorets og Ronald Bjarka Mánason á Heimsmeistaramót U19 sem verður haldið í Budva Svartfjallalandi.

Afreksstarf
7 keppendur frá Íslandi í Hillerød
Helgina 9-11 október var haldið mót í Hillerød þar sem yfir 500 keppendur voru til staðar í fjórum hringjum.

Afreksstarf
U19 landsliðið lauk keppni á Brandenburg Cup í Þýskalandi
Mihail Fedorets og Ronald Bjarki Mánason kepptu fyrir Íslands hönd.
