Sambandið
Um Hnefaleikasamband Íslands
Hnefaleikasamband Íslands (HNÍ) er landssamband hnefaleikafélaga á Íslandi og fer með yfirstjórn hnefaleika á Íslandi innan vébanda ÍSÍ. Sambandið var stofnað árið 2006.
HNÍ fer með yfirstjórn ólympískra hnefaleika og diplómahnefaleika á Íslandi, heldur Íslandsmeistaramót og bikarmótaröð, menntar dómara og þjálfara og velur keppendur til þátttöku í landsliðsverkefnum. Sambandið starfar eftir lögum ÍSÍ og alþjóðlegum keppnisreglum World Boxing.
Á Íslandi eru í boði tvö keppnisform hnefaleika: diplómahnefaleikar og ólympískir hnefaleikar. Diplómahnefaleikar eru mildari útgáfa af íþróttinni með sérstökum reglum og eru mikilvægur grunnur fyrir unga og nýja iðkendur áður en haldið er í ólympíska keppni.
Hlutverk sambandsins
Útbreiðsla íþróttarinnar
Að leggja áherslu á útbreiðslu og grundvöll hnefaleikaíþróttarinnar á Íslandi.
Fræðsla og kynning
Að sinna fræðslu- og kynningarhlutverki gagnvart iðkendum, félögum og almenningi.
Mótahald
Að skipuleggja mótahald og halda árlegt Íslandsmeistaramót í hnefaleikum.
Alþjóðlegt samstarf
Að vera fulltrúi hnefaleikaíþróttarinnar í alþjóðlegu samstarfi, m.a. gagnvart World Boxing og European Boxing.
Dómarar og þjálfarar
Að styðja við menntun dómara og þjálfara með skipulögðum námskeiðum og réttindakerfi.
Útgáfa og reglur
Að gefa út reglugerðir, fræðsluefni og önnur nauðsynleg gögn fyrir starfið.
Drengileg keppni
Að stuðla að drengilegri keppni og vinna gegn hvers kyns ofbeldi í íþróttinni.